19.12.2025 | 12:34
Քննիչի անբարեխիղճ վերաբերմունքի հետևանքով նախաքննական մարմինը զրկվել է ապացույցներ ձեռք բերելու հնարավորությունից․ ՀԿԿ
Նարեկ Սարգսյան-Գոնսալեսը առողջական խնդիրներ ունի․ հորը թույլ չեն տալիս տեսակցել նրան․ փաստաբան. ՏԵՍԱՆՅՈՒԹ
Հասարակություն
04.05.2020 | 14:52
Օրերս ևս երկու ամսով երկարացվել է տևական ժամանակ հետախուզված՝ ՀՀ երրորդ նախագահ Սերժ Սարգսյանի եղբորորդու՝ Նարեկ Սարգսյանի կալանքի ժամկետը:
«Կալանքի երկարացման դատարանի որոշումն ենք ստացել, պատրաստվում ենք վերաքննիչ կարգով բողոքարկել»,- մեզ հետ զրույցում ասաց նրա փաստաբանը՝ Արթուր Պիվազյանը:
Նարեկ Սարգսյանը արտահանձնվելուց հետո պահվում է «Երևան կենտրոն» ՔԿՀ-ում, խցում մենակ է, թե՝ ոչ, փաստաբանը չասաց, միայն նշեց, որ նա ունի առողջական խնդիրներ: «Առողջական խնդիրներ ունի, դեղորայք է մշտապես ընդունում, սպասում ենք իրավիճակը մեղմանա, ռեժիմը մի փոքր թուլանա, միգուցե նաև հետազոտություններ անցնի»,- ասաց Պիվազյանը։
Թե ինչ հիվանդությունների մասին է խոսքը՝ պաշտպանը չմանրամասնեց։
Հիշեցնենք՝ Ալեքսանդր Սարգսյանի որդին մեղադրվում է ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ (հոգեներգործուն) նյութերի ապօրինի շրջանառությունն իրացնելու, պատրաստելու նպատակով կամ դրանք ապօրինի իրացնելու հատկանիշներով։
Նա 2018 թվականի հուլիսից հետախուզվում էր։ Նարեկ Սարգսյանը հայտնաբերվել էր Չեխիայում՝ Ֆրանկլին Գոնսալես անվամբ, 2019-ին դեկտեմբերին նա արդեն արտահանձնվեց Հայաստանին։
Նարեկ Սարգսյանի տեսակցությունների արգելանքը որոշակի մասով հանվել է, նրան տեսակցելու հնարավորություն ունի եղբայրը՝ Հայկ Սարգսյանը, որը մեկ այլ քրեական գործով մեղադրվում է սպանության փորձի համար։
Իսկ հորը՝ Ալեքսանդր Սարգսյանին, չեն թույլատրում տեսակցել Նարեկ Սարգսյանին։ Հիշեցնենք, որ Ալեքսանդր Սարգսյանը ևս անցնում է քրեական գործով։ նա մեղադրվում է Սարյանի գծանկարների գործով առանձնապես խոշոր չափերի խարդախություն կատարելու համար:
Մանրամասները՝ տեսանյութում։
Լիլիթ Շաբոյան
