26.09.2026 | 20:38
Քաղաքացին ընկել է ջրհորը. նա հոսպիտալացվել է
Գերմանական հայտնի վերլուծական կենտրոնը Թուրքիան անվանել է ավտորիտար երկիր
Քաղաքականություն
04.05.2020 | 16:13
Գերմանական Bertelsmann Stiftung վերլուծական կենտրոնը (նաև հիմնադրամ) վերջին երկու տարում առաջին անգամ իր փոխակերպման ինդեքսում Թուրքիային գնահատել որպես ավտորիտար երկիր. գրում է ermenihaber-ը:
Մասնավորապես նշել է, որ Թուրքիայի ներքին քաղաքականության վրա շարունակում են մեծ ազդեցություն ունենալ ազգայնական, իսլամիստական և ավտորիտար ուժերը: Դրանից զատ ընդգծվում է, որ հատկապես պետական կառավարման նախահագական համակարգին անցնելուց հետո Թուրքիայի արտաքին քաղաքականության մեջ տեղի են ունեցել կտրուկ փոփոխություններ:
«Սահմանադրական փոփոխությունները փաստացի վերջ դրեցին խորհրդարանական կառավարման համակարգին, որը գործում էր Թուրքիայի Հանրապետության հիմնադրումից ի վեր»։
Ըստ գերմանական հիմնադրամի՝ նոր համակարգն ավելի արագացրեց ավտորիտարացման գործընթացը Թուրքիայում: Դրա վառ ապացույցն այն էր, որ Թուրքիայի նախագահ Ռեջեփ Թայիփ Էրդողանը հեղաշրջման փորձից հետո հայտարարեց արտակարգ դրություն, որը տևեց երկու տարի:
«Թուրքիայի ներքին ավտորիտարացման գործընթացը բացասական ազդեցություն ունեցավ նաև այլ երկրների հետ հարաբերությունների վրա: Եվրիամիության և ԱՄՆ-ի հետ հարաբերությունները վատացան: Թուրքիայի եվրաինտեգրման բանակցությունները փակուղի մտան, իսկ առանձին մի քանի եվրոպական երկրների հետ հարաբերությունները հասան գրեթե խզման եզրին»:
