30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Ոստիկանապետի հրամանով աշխատանքից ազատվել է Գեղարքունիքի մարզային վարչության պետը
Քաղաքականություն
04.05.2020 | 13:42
Աշխատանքից ազատվել ու ոստիկանության կադրերի ռեզերվ է ուղարկվել ոստիկանության Գեղարքունիքի մարզային վարչության պետ, ոստիկանության գնդապետ Գևորգ Հակոբյանը։ Այս մասին Factor.am-ին հայտնեց ՀՀ ոստիկանության ԶԼՄ-ների հետ կապի բաժնի պետ Էդգար Ջանոյանը։
«Ոստիկանապետի հրամանով է աշխատանքից ազատվել Գեղարքունիքի մարզային վարչության պետը»,- ասաց Ջանոյանը։
Հիշեցնենք, որ ապրիլի 28-ին Գեղարքունիքի մարզի Գավառ քաղաքում փոխհրաձգություն էր տեղի ունեցել, որի հետևանքով մահացել էր 2 մարդ, 4 հոգի մարմնական վնասվածքներով տեղափոխվել էին հիվանդանոց: Փոխհրաձգությունից հետո մի խումբ քաղաքացիներ փորձել էին հաշվեհարդար տեսնել հրաձգության մասնակիցներից մեկի նկատմամբ և հարձակվել էին Գավառի բժշկական կենտրոնի վրա։
Նշենք, որ քննվող քրեական գործով կալանավորվել է 13 անձ, ևս 2 անձի ձերբակալման որոշում էր կայացվել։
