18.05.2026 | 16:29
Բելառուսում ՌԴ-ի հետ համատեղ միջուկային զորավարժություններ են մեկնարկել
Աշխարհում կորոնավիրուսի դեպքերի թիվը գերազանցել է 3.5 միլիոնը. Worldometers
03.05.2020 | 22:00
Աշխարհում նոր կորոնավիրուսով (COVID-19) վարակման դեպքերի թիվը գերազանցել է 3.5 միլիոնը՝ հասնելով 3.515.144-ի։ Ակտիվ դեպքերի թիվը, վերջին տվյալներով, 2.135.623 է։ Այս մասին տեղեկանում ենք Worldometers վիճակագրական կայքից։
Կորոնավիրուսի հետևանքով առաջացած մահացությունների թիվը հասել է 245.606-ի։ Մինչ օրս ապաքինվածների թիվը գերազանցել է 1 միլիոնը՝ հասնելով 1.133.915-ի։
Կորոնավիրուսի ամենաշատ՝ 1.166.065 դեպքը գրանցվել է ԱՄՆ-ում։ 2-րդ տեղում Իսպանիան է՝ 247.122 դեպքով, իսկ 3-րդ տեղում՝ Իտալիան, որտեղ մինչ օրս 209.328 դեպք է արձանագրվել։ 4-րդ և 5-րդ տեղերում Մեծ Բրիտանիան ու Ֆրանսիան են՝ համապատասխանաբար 182.260 և 168.396 դեպքով։ 6-րդ տեղում Գերմանիան է՝ վարակման 165.086 դեպքով։
Մեր հարևան Թուրքիայում մինչ օրս կորոնավիրուսի 124.375 դեպք է գրանցվել, Ադրբեջանում՝ 1.932, իսկ Իրանում՝ 97.424։
Տարածաշրջանում կորոնավիրուսի ամենաքիչ դեպքերն ունի Վրաստանը։ Այնտեղ, վերջին տվյալներով, 589 հաստատված դեպք կա։
Նելլի Մելքոնյան
