02.07.2026 | 10:51
Փրկարարները հայտնաբերել են մոլորված քաղաքացուն
Դատարանը որոշեց կալանավորել Գագիկ Խաչատրյանի որդուն՝ Գուրգեն Խաչատրյանին
Հասարակություն
03.05.2020 | 15:45
Քիչ առաջ՝ ժամը 15։00-ին հրապարակվեց ՊԵԿ նախկին նախագահ Գագիկ Խաչատրյանի որդուն՝ գործարար Գուրգեն Խաչատրյանին կալանավորելու ԱԱԾ֊ի միջնորդության հիման վրա դատարանի որոշումը։
Դատարանը որոշեց կալանավորել Գուրգեն Խաչատրյանին։ Այդ մասին նիստից հետո լրագրողներին հայտնեց նրա պաշտպան Երեմ Սարգսյանը՝ շեշտելով, որ իրենք կզարմանային, եթե այլ որոշում կայացվեր։ Դա իրենց համար ի սկզբանե պարզ է եղել։
Նշենք, որ ավելի վաղ փաստաբանը մեզ փոխանցել էր, որ Խաչատրյանը ներկա չէ դատական նիստին։
Հիշեցնենք. Գուրգեն Խաչատրյանին նախկինում առանձնապես խոշոր չափի յուրացմանն օժանդակելու մեղադրանք էր առաջադրված, ԱԱԾ-ն մեղադրանքը լրացրել է փողերի լվացման և առանձնապես խոշոր չափով կաշառք ստանալուն օժանդակելու հոդվածներով:
Մերի Մարտիրոսյան
