17.09.2026 | 20:33
Ալիևը հայտարարել է՝ «եթե ՄԱԿ-ը նորմալ գործեր, ստիպված չէինք լինի ուժով նվաճել մեր տարածքները»
Կորոնավիրուսից մահացել է 27 տարեկան պացիենտ
01.05.2020 | 11:25
ՀՀ առողջապահության նախարարությունը ամեն օր ժամը 11-ին տեղեկություններ է հրապարակում Հայաստանում կորոնավիրուսով վարակվածության դեպքերի մասին:
Եվ այսպես՝ երեկ կորոնավիրոսով հաստատված դեպքերի ամենամեծ թիվն էր գրանցվել, ու ինչպես ՀՀ կառավարության հերթական նիստին ասաց առողջապահության նախարար Արսեն Թորոսյանը՝ «ռեկորդային վատ թիվ ենք ունեցել՝ 134»:
Այսօր այդ թիվն անհամեմատ քիչ է՝ 82, սակայն գրանցվել է երիտասարդ կնոջ մահ: « Պացիենտը 27 տարեկան էր, ուներ ուղեկցող խրոնիկական հիվանդություններ»,- ասված է հաղորդագրության մեջ:
ԱՆ խոսնակ Ալինա Նիկողոսյանը ֆեյսբուքյան գրառմամբ տեղեկացրել է, որ «27-ամյա պացիենը մոտ մեկ ամիս գտնվել է հիվանդանոցում՝ բժիշկների հսկողության տակ, վիճակը գնահատվել է ծայրահեղ ծանր: Ունեցել է բնածին խրոնիկական ծանր հիվանդություններ։ Ցավոք, կորոնավիրուսային հիվանդությունը կտրուկ վատթարացրել է երիտասարդի առողջական վիճակը և նրա կյանքը չի հաջողվել փրկել»։
Նշենք, որ մայիսի 1-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 2148 դեպք, որոնցից 977-ն` առողջացած, 33-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 1136 պացիենտ: Ընդհանուր առմամբ, կատարվել է 22177 թեստավորում:
