20.01.2026 | 11:26
ԱԺ-ն առաջին ընթերցմամբ ընդունեց 27-37 տարեկան չծառայածներին քրեական պատասխանատվությունից ազատելու նախագիծը
Լեհաստանը «Գազպրոմ»-ին ստիպել է նվազեցնել գազի գինը
Տնտեսություն
30.04.2020 | 17:24
Լեհական PGNiG էներգետիկ ընկերությունը հայտնել է, որ Ստոքհոլմի Արբիտրաժային դատարանի որոշումից հետո «Գազպրոմ»-ը համաձայնել է նվազեցնել մատակարարվող գազի սակագինը: Այս մասին հայտարարել է PGNiG-ի ղեկավար Եժի Կվեչինսկին, գրում է gazeta.ru-ն:
«Հաճույքով տեղեկացնում եմ, որ «Գազպրոմ»-ը հայտարարել է նոր գնային պայմանների կիրառման մասին, որոնք սահմանվել են Ստոքհոլմի Արբիտրաժային դատարանի վճռով»,- ասել է նա:
Տարածած հաշվետվությունում PGNiG-ը նաև նշել է, որ «Գազպրոմը»-ը հայտարարել է ավելի վաղ ներկայացված հաշիվները շտկելու մտադրության մասին:
Ավելի վաղ լեհական կողմը հայտարարել էր, որ «Գազպրոմ»-ը շարունակում է գազի համար հաշիվներ ներկայացնել՝ հիմնվելով գնագոյացման հին բանաձևի վրա, չնայած դատարանը դրա վերանայման մասին որոշում է կայացրել:
