Հասարակություն
29.04.2020 | 13:47
Ցմահ ազատազրկման դատապարտված Ստեփան Գրիգորյանն այսօր վաղաժամկետ ազատ է արձակվել։ Նրա փաստաբան ռոբերտ Ռևազյանը Factor.am-ի հետ զրույցում ասաց՝ դատարանն իր բարձրության վրա էր։
Ցմահ դատապարտյալին ազատ է արձակել Արմավիրի մարզի ընդհանուր իրավասության դատարանի դատավոր Արմեն Հովհաննիսյանը։ Ըստ փաստաբանի՝ դատապարտյալը դրական բնութագիր ուներ և 25 անազատության մեջ գտնվելով՝ դրսևորել է դրական վարքագիծ։
Փաստաբանը նաև տեղեկացրեց, որ այս պահին Գրիգորյանը դեռևս ՔԿՀ-ում է, անհրաժեշտ փաստաթղթերը ներկայացնելուց հետո կլինի ազատության մեջ։
Նշենք, որ Ստեփան Գրիգորյանը մահապատժի է դատապարտվել 1996 թվականին` սպանությանը մասնակից լինելու համար: 2003թ. օգոստոսի 1-ին Ռոբերտ Քոչարյանի հրամանագրով մահապատիժը փոխարինվել է ցմահ ազատազրկման, իսկ արդեն 2020-ին դատարանի որոշմամբ նա ազատ արձակվեց։
