05.08.2026 | 22:29
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Գավառի հիվանդանոցում ոստիկանության բարձրաստիճան պաշտոնյաներ են եղել․ Գեղարքունիքի մարզպետ
Հասարակություն
29.04.2020 | 13:29
«Ես անձամբ ոստիկանապետի հետ եղել եմ դեպքի վայրում, այսինքն այնտեղ, որտեղ ժամեր առաջ եղել են կրակոցներ, և ոստիկանապետը հիվանդանոցում չի եղել»,- այսօր լրագրողների հետ զրույցում պնդեց Գեղարքունիքի մարզպետ Գնել Սանոսյանը։
Նա տեղեկացրեց, որ հիվանդանոցում, որտեղ տեղի է ունեղել այս միջադեպը, ոստիկանության բարձրաստիճան պաշտոնյաներ են եղել․ «Հիվանդանոցում եղել է փոխմարզպետը և ոստիկանության տարբեր բարձրաստիճան պաշտոնյաներ»։
Մարզպետը վերստին նշեց, որ հարձակվողների թիվը մոտ հինգ հարյուր է եղել:
«Ականատեսների վկայությամբ՝ հինգ հարյուրից ավելի մարդիկ են եղել, նաև տեսաձայնագրություններն են նման պատկեր տալիս»,- ներկայացրեց նա։
Սանոսյանի հավաստմամբ՝ իրավիճակը կառավարումից դուրս է եկել, երբ միաժամանակ տարբեր մուտքերից ապակիները կոտրելով ներս են մտել այդ քաղաքացիները, որոնք հիմնականում եղել են Գավառի և Նորատուսի բնակիչներ․ «Դեպքի մանրամասները ոստիկանությունը կտա, փաստացի հիվանդանոցի միջադեպից առաջ փոխհրաձգություն է եղել և դեպքի վայրում ունեցել ենք երկու զոհ, վիրավորները տեղափոխվել են հիվանդանոց»։
Նա նաև հավելեց, որ բուժաշխատողների մեջ վնասվածքներ ստացածներ չկան, իսկ ոստիկաններից ոմանք, հնարավոր է, քերծվածքներ ստացած լինեն։
Լիլիթ Շաբոյան
