07.08.2026 | 10:39
Մենք հասկանում ենք, որ ԵՏՄ-ին և ԵՄ-ին միաժամանակյա անդամակցությունն անհնար է․ Նիկոլ Փաշինյան
Ոմանց կյանքին վտանգ սպառնում է․ Արսեն Թորոսյանը՝ Գավառում երեկ վիրավորվածների մասին
Հասարակություն
29.04.2020 | 13:17
«Կան բազմաթիվ տուժածներ, որոնք այժմ տարբեր բուժկենտրոններում գտնվում են բժիշկների հսկողության տակ, իրավապահները հանգամանքները պարզում են, իսկ մենք մեր գործառույթը իրականացրել ենք։ Մեր մտահոգությունը Գավառի բժշկական կենտրոնի բնականոն աշխատանքը վերականգնելն է»,- այս մասին այսօր Գավառի հիվանդանոցում լրագրողների հետ զրույցում ասաց Առողջապպահության նախարար Արսեն Թորոսյանը։
Նա նշեց, որ բժշկական անձնակազմից տուժածներ չկան: « Փաստացի վտանգի տակ են եղել ոչ միայն այն քաղաքացիները, որոնց հետևից եկել են հարյուրավոր քաղաքացիներ՝ հաշիվներ պարզելու, այլև այստեղ բուժում ստացող տասնյակ քաղաքացիներ, որոնց կյանքը իրական վտանգի տակ է դրվել»,- նշեց Թորոսյանը։
Անդրադառնալով վիրավորների առողջական վիճակին՝ նախարարն ասաց, որ նրանք տարբեր ծանրության են, սակայն շատ մանրամասներ հայտնել չի կարող։
Հստակեցնող հարցին՝ ինչ վիճակում են այն քաղաքացիները, որոնց պարանոցները երեկ հիվանդանոցում վնասվել են, Թորոսյանը չպատասխանեց։ Նա, սակայն, ասաց, որ վիրավորներից ոմանց կյանքին վտանգ է սպառնում՝ չհստակեցնելով, թե քանի վիրավորի կյանքի է վտանգ սպառնում, և արդյոք խոսքը այն անձանց մասին է, որոնց պարանոցը փորձել են կտրել։
Լիլիթ Շաբոյան
