08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Գավառում հրազենային վիրավորում ստացած երիտասարդի վիճակը կայուն ծանր է, նա վիրահատվել է
29.04.2020 | 12:49
Factor.am-ի տեղեկություններով Գավառում երեկ տեղի ունեցած արյունալի դեպքերի արդյունքում վիրավորվածներից մեկը՝ 29 ամյա Ա․ Ս․-ն, այս պահի գտնվում է Միքայելյան վիրաբուժության ինստիտուտում։
Հրազենային վիրավորում ստացած տղամարդուն երեկ վիրահատել են, նրա վիճակն այս պահին կայուն ծանր է։ Փորձեցինք հավելյալ մանրամասներ պարզել հիվանդի առողջական վիճակից, սակայն ԵՊԲՀ աշխատակազմի ղեկավար Շուշան Դանիելյանը ուշագրավ պատասխան տվեց՝ նշելով, որ պացիենտի հետ կապված բոլոր տեղեկությունների համար դիմենք նախաքննական մարմնին։
Նշենք, որ մեր հավաստի տեղեկություններով, առավոտյան հիվանդի մի քանի տասնյակ հարզատներ հավաքվել են հիվանդանոցում՝ մտահոգված իրենց հարազատի անվտանգությամբ, սակայն ոստիկանները թույլ չեն տվել, որ նման թվով կուտակումներ լինեն հիվանդանոցում և նրանց տուն են ուղարկել։
Այս պահին վիրավորի անվտանգությունը հսկվում է ոստիկանների կողմից, ներկա են նրա մի քանի հարազատներ։
Նարեկ Կիրակոսյան
