26.09.2026 | 20:38
Քաղաքացին ընկել է ջրհորը. նա հոսպիտալացվել է
Հրաշալի խուսափում եք բոլոր հարցերին ուղղակի պատասխանել․ Բաբաջանյանը՝ Ջանջուղազյանին
Քաղաքականություն
29.04.2020 | 12:36
Գործադիրը, ըստ էության, չգիտի՝ ի՞նչ ուղղությամբ պետք է ներգրավված միջոցները ծախսվեն, և հենց դա էլ առաջարկված նախագծի ամենախոցելի կետն է։ Այսօր ԱԺ արտահերթ նիստում նման տեսակետ հայտնեց անկախ պատգամավոր Արման Բաբաջանյանը՝ ֆինանսների նախարար Ատոմ Ջանջուղազյանին խնդրելով պարզաբանել։
«Ցանկալի է իմանալ՝ այդ 260 միլիարդը, որ ցանկանում եք ներգրավել, դրա ո՞ր մասն է ուղղված լինելու ենթակառուցվածքների կապիտալ ծախսերին»,- հարցրեց Բաբաջանյանը։
«150 միլիարդի մեջ երկարաժամկետ խնդիրների լուծման համար նախատեսվում է 80 միլիարդ դրամն օգտագործել, 25 միլիարդ դրամը տնտեսվարման աջակցությանը նպատակաուղղված միջոցներն են»,- նշեց Ջանջուղազյանը։
Բաբաջանյանն արձագանքեց. «Ես ավելի լավ հարցերից խուսանավելու մոտեցում, քան Ձերն է, չեմ հանդիպել։ Դուք հրաշալի խուսափում եք բոլոր հարցերին ուղղակի պատասխանելուց»:
Հիշեցնենք, որ Ազգային ժողովում քննարկվում է Կառավարության առաջարկած 2020 թվականի բյուջեում փոփոխություններ կատարելու նախագիծը։
Մանրամասները՝ տեսանյութում։
