17.09.2026 | 21:43
Թրամփն ու Էրդողանը հաջորդ շաբաթ կհանդիպեն Նյու Յորքում
Նիկոլ Փաշինյանը, Արարատ Միրզոյանը և Արմեն Սարգսյանը Քաղաքացու օրվա առթիվ ուղերձ չեն հղել
Քաղաքականություն
25.04.2020 | 18:13
Այսօր Հայաստանում նշվում է Քաղաքացու օրը: Անցած տարի բուռն քննարկումներից հետո Կառավարությունը, ի վերջո, հավանություն տվեց «Տոների և հիշատակի օրերի մասին» Հայաստանի Հանրապետության օրենքում լրացում կատարելու մասին» ՀՀ օրենքի նախագծին, որով ամրագրվում էր Հայաստանի Հանրապետության Քաղաքացու օրը:
Ըստ օրենքի՝ Քաղաքացու օրը պետք է նշվի ապրիլի վերջին շաբաթ օրը:
Նախորդ տարի այն տոնվեց ապրիլի 27-ին։ Այս տարի, սակայն, կորոնավիրուսի համաճարակի պատճառով որևէ միջոցառում նախատեսված չէ։
Ուշագրավ է, որ Նիկոլ Փաշինյանը, որի իշխանության օրոք քաղաքացիներին կարևորող տոն է ստեղծվել, մինչ այժմ օրվա առթիվ ուղերձով հանդես չի եկել: Նա միայն ֆեյսբուքյան իր էջում տեղադրել է Սերժ Թանկյանի երգը, շնորհակալություն հայտնել դրա համար և վերջում մեկ տողով հիշել Քաղաքացու օրվա մասին։
Վարչապետի պաշտոնական կայքում և ֆեյսբուքի պաշտոնական էջում մինչ այս պահը որևէ ուղերձ չկա: Թե որն է պատճառը՝ փորձեցինք պարզել նրա խոսնակ Մանե Գևորգյանից, սակայն նա մեր զանգերին չպատասխանեց:
Ի դեպ, Քաղաքացու օրվան առայժմ որևէ կերպ չեն անդրադարձել նաև Ազգային ժողովի նախագահ Արարատ Միրզոյանն ու ՀՀ նախագահ Արմեն Սարգսյանը:
Նարեկ Կիրակոսյան
