17.09.2026 | 21:58
«G Class invest»-ը գործում է ԿԲ-ի վերահսկողությունից դուրս. Կենտրոնական բանկն ահազանգում է
Անի պատմական մայրաքաղաքի դիմաց վեր է խոյանում հայոց եռագույնը
24.04.2020 | 17:17
Այսօր Շիրակի մարզում՝ հայոց պատմական Անի մայրաքաղաքի դիմաց հայ-թուրքական սահմանի մոտ կանգնեցվել է 24 մետր բարձրությամբ հայոց եռագույնը։ Այս մասին ֆեյսբուքյան ուղիղ եթերում հայտնել է Շիրակի մարզպետ Տիգրան Պետրոսյանը։
«Հիմա գտնվում ենք Անի պատմական մայրաքաղաքի դիմաց: Այսօր շատ խորհրդանշական, կարևոր օր է։ Իհարկե, օրվա խորհուրդը Հայոց ցեղասպսնության անմեղ զոհերի հիշատակն է, բայց այդ հիշատակի հավերժացման արարողության կա այսօր։ Անիի դիմաց ծածանվում է 24 մետր բարձրությամբ հայկական եռագույնը»,- նշել է Տիգրան Պետրոսյանը։
Նշենք, որ հայ-թուրքական սահմանին մոտ գտնվում է Նորաշեն՝ Խարկով գյուղը: Այստեղ նաև այսօր խաչքար տեղադրվեց: Նախաձեռնությունն իրականացվել է ռուսաստանաբնակ Ասլանյան, Նռանյան և Գրիգորյան ընտանիքների աջակցությամբ:
Հավելենք, որ Նորաշեն գյուղի միակ բնակչուհին 83-ամյա Վահանդուխտ Մելքոնյանն է։ Նա լքված գյուղի միակ պահապանն է, 60 տարուց ավելի ապրում է այստեղ։ Հենց Նորաշեն գյուղից էլ երևում է Անին։
2019 թվականի վերջին, հիշեցնենք. մարզպետ Տիգրան Պետրոսյանը վարչապետ Նիկոլ Փաշինյանի անունից հայրենի հողին անմնացորդ նվիրումի, երկարամյա անխոնջ աշխատանքի համար Վահանդուխտ տատին հանձնել էր շնորհակալագիր ու դրամական պարգև՝ 500.000 դրամի չափով:
Էմմա Չոբանյան
