14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Հայաստանում կորոնավիրուսն ախտորոշող թեստերի արտադրությունը դեռ չի մեկնարկել
22.04.2020 | 17:15
Հայաստանում նոր կորանովիրուսն ախտորոշող թեստերի արտադրությունը դեռ չի մեկնարկել: Այս մասին Factor.am-ի հարցին ի պատասխան՝ տեղեկացրեց Մոլեկուլային կենսաբանության ինստիտուտի տնօրեն Արսեն Առաքելյանը:
Հիշեցնենք, որ դեռ ապրիլի սկզբին կառավարությունը ինստիտուտին 550 հազար դոլար էր փոխանցել՝ Հայաստանում թեստերի արտադրություն սկսելու համար:
Թե կոնկրետ երբ կմեկնարկի թեստերի արտադրությունը՝ Մոլեկուլային կենսաբանության ինստիտուտի տնօրեն Արսեն Առաքելյանը դժվարացավ հստակ ժամկետ նշել, նա Factor.am-ին փոխանցեց, որ նախապատրաստական աշխատանքներ են տարվում:
Հավելենք, որ վարչապետ Նիկոլ Փաշինյանն ավելի վաղ հայտարարել էր, որ խնդիր են դրել Հայաստանում կորոնավիրուսի օրական թեստերի քանակը հասցնել 1000-ի, ինչը, ըստ նրա, կարելի է համարել զանգվածային թեստավորում։
Նարեկ Կիրակոսյան
