02.02.2026 | 15:55
Կրեմլը հայտարարել է, որ Պուտինի և Զելենսկիի միջև շփումները հնարավոր են միայն Մոսկվայում
ՌԴ-ն ճգնաժամային ժամանակահատվածում հավելյալ ռիսկեր է ստեղծում մեզ համար. Արման Բաբաջանյան. ՏԵՍԱՆՅՈՒԹ
Քաղաքականություն
22.04.2020 | 14:05
Ռուսաստանն այս ճգնաժամանային իրավիճակում ոչ միայն չի աջակցում, այլ հավելյալ ռիսկեր է ստեղծում մեր տնտեսության համար։ Ընդ որում, դա անում է չափազանց վատ տոնով և հիմնավորումներով։ Այս մասին այսօր ԱԺ արտահերթ նիստում ունեցած ելույթում հայտարարեց ԱԺ անկախ պատգամավոր Արման Բաբաջանյանը։
«Նախօրեին ՌԴ ԱԳՆ Սերգեյ Լավրովը, ըստ էության, խոստովանեց, որ գազի գնի թանկացումը Ռուսաստանի կողմից պատասխան քայլ է Հայաստանում օրինականության հաստատմանն ուղղված գործընթացներում։ Հայաստան մատակարարվող գազի գինը Ռուսաստանի կողմից որպես ՀՀ-ի դեմ մահակ օգտագործելու իրողությունը արդյունք է Հայաստանի նախկին իշխանությունների կողմից կնքված գազային խայտառակ համաձայնագրի և Հայաստանի ներքին գազաբաշխման համակարգը «Գազպրոմին» ամբողջությամբ հանձնելու հանցավոր որոշման։ Հասկանալի է, որ դրանք միանգամից չեղարկելը կամ վերանայելը չափազանց բարդ է»,- նշեց պատգամավորը։
Մանրամասները՝ տեսանյութում։
