17.09.2026 | 22:43
Ռիչարդ Կիրակոսյանը Ստամբուլում հոսպիտալացվել է
«14 floor» հյուրանոցում մեկուսացվածների աղբը շարունակում է դրսում՝ բարձիթողի վիճակում մնալ
21.04.2020 | 20:30
Օրեր առաջ Factor.am-ին ահազանգել էր «14 floor» հյուրանոցի մոտակա շենքում ապրող քաղաքացին։ Նա պատմել էր, որ հյուրանոցում մեկուսացված են Մոսկվայից եկած մեր հայրենակիցները և որ առաջին երեք օրը մեկուսացվածների աղբահանությունն իրականացվել է շատ խիստ հսկողությամբ, օրեր անց, սակայն, սկսել են աղբը հանել ու պոլիէթիլենային պարկով թողնել դրսում։
Կինը նշել էր` մեկուսացված անձանց աղբը, որը կարող է վարակի աղբյուր դառնալ, մինչ աղբահանության աշխատակիցների մոտենալը շների ու կատուների միջոցով տարածվում է բակով մեկ։
Հարցի առնչությամբ մենք կապ էինք հաստատել Առողջապահության նախարարություն հետ, որտեղից խոստացել էին զբաղվել խնդրով։ Չնայած, որ այս խոստումից մոտ մեկ շաբաթ է անցել, սակայն խնդիրը չի կարգավորվել։ Այսօր կրկին ահազանգած քաղաքացին վրդովված նշեց՝ միայն դրսում կուտակված աղբի տոպրակների քանակն է ավելացել։
Լիլիթ Շաբոյան
