07.12.2025 | 15:56
Մերցը Նեթանյահուի հետ է հանդիպել
«Զիջումներ չեն եղել և չեն լինելու, հայկական կողմերը նման մոտեցում չեն ստանձնելու»․ Զոհրաբ Մնացականյան. ՏԵՍԱՆՅՈՒԹ
Քաղաքականություն
21.04.2020 | 17:13
Խաղաղ կարգավորումը հնարավոր է փոխզիջումների միջոցով, միակողմանի զիջումներ չեն եղել և չեն լինելու։ Հայկական կողմերը որևէ դեպքում, երբևէ չեն ստանձնելու մոտեցում։ Այս մասին լրագրողների հետ հանդիպմանն ասաց ՀՀ ԱԳ նախարար Զոհրաբ Մնացականյանը՝ անդրադառնակով ՌԴ ԱԳՆ ղեկավար Սերգեյ Լավրովի հայտարարությանը:
Մնացականյանը նշեց՝ Լավրովի խոսքում հղումներ են եղել բազմաթիվ փաստաթղթերի. «Նման մոտեցումներ ի հայտ են եկել 2014 թվականին, 2016 թվականին, և այդ մոտեցումները ընդունելի չեն եղել հայկական կողմերի համար։ 2018 թվականից ի վեր քննարկումները սահմանափակվել են առանձին տարրերի շուրջ կողմերի մոտեցումների քննարկման, գնահատման վերբերյալ: 2014 թվականին առաջարկած տարբերակն այսօր բանակցային սեղանի փաստաթուղթ չէ։ Մենք առավել քան հստակ խոսել ենք մեր դիրքորոշումների մասին, որտեղ ընդգծված առաջնային գերակայություն է հայկական կողմերի համար անվտանգության բաղադրիչը։ Այն, ինչ վերաբերում է տարածքներին, ամենից զատ՝ դա անվտանգության գոտի է և պաշտպանական գծեր։ Որևէ կերպ, որևէ հայկական կողմ չի կարող ենթադրել նույնիսկ, որ հնարավոր է վերանայել դա՝ վտանգի տակ դնելով Արցախի բնակչության անվտանգությունը»,- հայտարարեց Մնացականյանը։
Մանրամասները՝ տեսանյութում։
