27.08.2026 | 16:58
Փաշինյանը Կոբախիձեին հրավիրել է Հայաստան՝ մասնակցելու COP 17-ի շրջանակներում կայանալիք Առաջնորդների գագաթնաժողովին
Կորոնավիրուսից մահվան 3-րդ դեպքը Անի համայնքում. մահացածը Ձորակապի բնակիչ է
20.04.2020 | 16:58
Շիրակի մարզի Անի խոշորացված համայնքում կորոնավիրուսից մահվան 3-րդ դեպքն է գրանցվել. մահացածը Ձորակապի բնակիչ է:
«Անի համայնքի Ձորակապ բնակավայրի բնակիչ է: Նախկինում չի ունեցել առողջական խնդիրներ։ Ըստ հարազատների՝ առողջ է եղել, այլ մանրամասներ չեմ կարող ասել: Շարժուն, աշխատող, բիզնեսմեն մարդ էր: Երևանում է մահացել, տեղափոխվել էր Երևան շուրջ 15 օր առաջ»,- Factor.am-ի հետ զրույցում ասաց Անի խոշորացված համայնքի ղեկավար Արտակ Գևորգյանը։
Նշենք, որ ավելի վաղ Անի համայնքի Մարալիկ բնակավայրում մահացել էր 68-ամյա մի տղամարդ, նախօրեին էլ՝ 90-ամյա տղամարդ: Նրանք նաև մի շարք ուղեկցող հիվանդություններ են ունեցել:
Միաժամանակ, կորոնավիրուս է հաստատվել Մարալիկի առողջության կենտրոնի 19 աշխատակցի մոտ։
Հիշեցնենք նաև, որ ՀՀ պարետ Տիգրան Ավինյանի որոշմամբ՝ ապրիլի 19-ից 25-ը Շիրակի մարզի Անի համայնքի Մարալիկ ու Ձորակապ բնակավայրերում սահմանված է վարչական սահման մուտք գործելու ու ելք կատարելու հատուկ ռեժիմ. արգելվում է անձանց ու տրանսպորտային միջոցների մուտքն ու ելքը՝ որոշ բացառություններով։
Էմմա Չոբանյան
