17.10.2026 | 19:25
Հռոմի պապ Լևոն XIV-ը լքել է հիվանդանոցը՝ թոքի ուռուցքի հեռացման վիրահատությունից հետո
Եթե կարճ ժամանակամիջոցում պատասխանատվություն չկրեն, ՀՌՀ-ին հրավիրելու ենք ԱԺ. Լիլիթ Մակունց. ՏԵՍԱՆՅՈՒԹ
Քաղաքականություն
20.04.2020 | 11:42
ԱԺ «Իմ քայլը» խմբակցության համար վարչապետի ելույթից առաջ փորձերի կադրերի արտահոսքն անընդունելի է և ակնկալում են, որ կարճ ժամանակում ունենալու է հետևանքներ։ Այս մասին այսօր խորհրդարանական ճեպազրույցների ժամանակ նշեց «Իմ քայլը» խմբակցության ղեկավար Լիլիթ Մակունցը։
«Խնդիրն այն է, որ տարբեր մեկնաբանություններ կարող են հնչել տեղի ունեցածի հետ կապված՝ ոչ պրոֆեսիոնալիզմի, անփութության կամ դիտավորության տիրույթից։ Մեզ համար սա առաջին հերթին տեղեկատվական անվտանգության խնդիր է։ Եթե կարճ ժամանակահատվածում պատասխանատուները չկրեն պատասխանատվություն, «Իմ քայլը» պատրաստվում է ՀՌՀ խորհրդին հրավիրել և պահանջել՝ հորդորել, որ նման դեպքերը չկրկնվեն, այլև զբաղվեն պատասխանատվության ենթարկելու առումով»,- նշեց Մակունցը։
Մանրամասները՝ տեսանյութում։
