16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
Երևանում ծանր վիճակում հիվանդին տեղափոխող «Շտապօգնության» մեքենան վթարի է ենթարկվել
19.04.2020 | 12:54
Այսօր՝ ապրիլի 19-ին, ավտովթար է տեղի ունեցել Երևանում: Ժամը 09:20-ի սահմաններում Բագրատունյաց-Չեխով փողոցների խաչմերուկում բախվել են Opel մակնիշի և Haise մակնիշի ավտոմեքենաները: Այս մասին տեղեկացնում է Shamshyan.com-ը։
Վերջինի փոխանցմամբ՝ բախման հետևանքով շտապօգնության մեջ գտնվող ծայրահեղ ծանր վիճակում հիվանդանոց տեղափոխվող հիվանդն ու շտապօգնության բժիշկը մարմնական վնասվածքներով տեղափոխվել են հիվանդանոց:
Factor.am-ը լուրը ճշտելու համար կապ հաստատեց «Շտապօգնություն» ՓԲԸ տնօրեն Թագուհի Ստեփանյանի հետ, որը հաստատեց, որ «Շտապօգնության» մեքենայի մասնակցությամբ վթար է տեղի ունեցել։
Վերջինիս խոսքով՝ «Շտապօգնության» մեքենայով հիվանդը ինսուլտի նշաններով տեղափոխվել է հիվանդանոց և ճանապարհին տեղի է ունեցել վթարը:
«Հիվանդի վիճակը իր հիվանդության պատճառով է եղել ծանր, վթարի հետևանքով վնասվածներ չի ստացել։ Այժմ հիվանդանոցում է»,- նշեց Ստեփանյանը։
Վթարի հետևանքով, սակայն, տուժածներ և հոսպիտալացվածներ չկան, տեղեկացրեց «Շտապօգնություն» ՓԲԸ տնօրենը։
