20.01.2026 | 13:19
Ռուսաստանի նավթավերամշակման գործարաններ մղվող նավթի ծավալը նվազել է՝ հասնելով 15 տարվա ամենացածր մակարդակին
Անդրանիկ Քոչարյանն ասաց՝ ապրիլյանին բահերով կռվելու փաստ չի արձանագրվել, ուրեմն այսքան տարի դա շահարկվում էր. Էդմոն Մարուքյան. ՏԵՍԱՆՅՈՒԹ
Քաղաքականություն
17.04.2020 | 16:32
ԱԺ «Լուսավոր Հայաստան» խմբակցության ղեկավար Էդմոն Մարուքյանն այսօր, պատասխանելով լրագրողների հարցերին՝ ապրիլյան պատերազմի վերաբերյալ հարցին ի պատասխան ասաց․ «Ապրիլյան պատերազմի ժամանակ և դրանից 4 տարի հետո ինչ հայտարարություն ասես, որ չի եղել՝ տանկերում վառելիք չկար, զինվորները բահերով էին կռվում, ուտելիք չունեին։ Բայց Անդրանիկ Քոչարյանն իր հարցազրույցում ասաց, որ նման փաստեր չեն արձանագրվել և, եթե խորհրդարանը նման եզրակացության գա, դուրս է գալիս, որ այսքան տարի շահարկվել են ապրիլյան պատերազմի կոնկրետ այդ հանգամանքները։ Մնացած մասով, եթե թերություններ եղել են, պետք է դասեր քաղենք, որ ապագայում մեր հայրենիքի վրա նմանատիպ հարձակումներին ավելի պատրաստ լինենք»։
Քննիչ հանձնաժողովի աշխատանքները Մարուքյանը, միանշանակ, արդարացված համարեց, որովհետեւ շատ շահարկումներ են եղել պատերազմի առնչությամբ։
«Մենք ինչո՞ւ ենք կողմ եղել հանձնաժողովի ստեղծմանը, որ վերջին հաշվով տեսնենք՝ այդ ամենը շահարկո՞ւմ է, թե՞ իրականություն է։ Եթե իրականություն է, ապա կոնկրետ մարդիկ պետք է դատվեն, եթե իրականություն չէ, շահարկում է, ապա շահարկողները պետք է պատասխան տան, որովհետև բանակի անվան հետ են խաղացել»,- եզրափակեց Մարուքյանը։
Մանրամասները՝ տեսանյութում:
Մերի Մարտիրոսյան
