20.01.2026 | 13:19
Ռուսաստանի նավթավերամշակման գործարաններ մղվող նավթի ծավալը նվազել է՝ հասնելով 15 տարվա ամենացածր մակարդակին
Կաթողիկոսի ասածը դատարանը կհարգի կամ ոչ, բայց դրանից հայոց հարց սարքելը ո՞րն է. Էդմոն Մարուքյան. ՏԵՍԱՆՅՈՒԹ
Քաղաքականություն
17.04.2020 | 15:15
Կարծում եմ, որ խոսքի ազատությունը վերաբերում է բոլորին՝ թե՛ հոգևոր ծառայողները, թե՛ աշխարհիկ մարդիկ ունեն կարծիք արտահայտելու իրավունք, բնականաբար, կաթողիկոսը կարող է դրանից օգտվել։ Այդ մասին այսօր ճեպազրույցում ասաց ԼՀԿ նախագահ Էդմոն Մարուքյանը։
Նա նշեց՝ «Հիմա կաթողիկոսը կարծիք է հայտնել, այդ կարծիքը հարգողն ո՞վ է. դատարանը և Գլխավոր դատախազությունը։ Կհարգեն՝ կհարգեն, չեն հարգի՝ չեն հարգի, բայց դա հայոց հարց դարձնելը ո՞րն է»։
Մարուքյանն ընդգծեց, որ նայում է ֆեյսբուքյան գրառումներ, տեսանյութեր վեհափառի և եկեղեցու դեմ, և դա խստագույնս դատապարտում է։ Ինքն անձամբ վեհափառի կարծիքը չի կիսում, անգամ, եթե դրա մասին արտահայտվի՝ դա պետք է անի շատ հարգալից, որովհետև խոսքն Ամենայն հայոց կաթողիկոսի մասին է։ Մարուքյանի խոսքով՝ եկեղեցու դեմ շատ ուժեր են դուրս եկել մեր պատմության մեջ, բոլորը փոշի են դարձել։ Անհամաձայնությունը, ըստ նրա՝ չպետք է դառնա եկեղեցու դեմ ծավալվող զզվելի արշավ։ Իսկ կաթողիկոսի դեմ՝ իր պատկերացմամբ, կոնկրետ արշավ է ոչ միայն ֆեյքերի մակարդակով, այլ նաև՝ քաղաքական մարդկանց, որովհետև Վեհափառին ավազանի անունով կոչելը վիրավորանք է։
Մանրամասները՝ տեսանյութում:
Մերի Մարտիրոսյան
