09.10.2026 | 10:21
Թուրքմենստանում ընթանում է ԱՊՀ պետությունների ղեկավարների գագաթնաժողովը՝ Նիկոլ Փաշինյանի մասնակցությամբ
«Աստղիկ» ԲԿ-ում ևս տարածք է առանձնացվել վարակակիրների համար
14.04.2020 | 17:32
Factor.am-ը տեղեկություն էր ստացել, որ կորոնավիրուսի վարակակիրների մեկուսացման համար հատված է մեկուսացվել նաև «Աստղիկ» բժշկական կենտրոնում։
Տեղեկության առնչությամբ դիմեցինք «Աստղիկ» բժշկական կենտրոնի տնօրեն Ասատուր Ասատրյանին: «Առանձնացված մաս ունենք, իսկ այս պահին, որքանով որ տեղյակ եմ, պահվող անձ չունենք։ Մեկուսացրել ենք տարածքը, որպեսզի կորոնավիրուսի սիմպտոմներով դիմող անձանց այնտեղ ընդունենք, թեստավորենք և արդեն ըստ պատասխանի, դրականի դեպքում ուղարկենք բուժման, բացասականի դեպքում՝ թույլատրենք մուտքը հաստատություն։ Ուղղակի անվտանգության առումով տարածքից առանձնացրել ենք այդ հատվածը»,- ասաց նա։
Նշենք, որ արդեն իսկ մի շարք ԲԿ-ներ անցել են կամ միայն վարակակիրների սպասարկման կամ մեկուսարաններ ունեն նրանց համար։ Օրինակ՝ «Սուրբ Գրիգոր Լուսավորիչ» ԲԿ-ն սպասարկում է միայն վարակակիրների, «Սուրբ Աստվածամայր» ԲԿ-ի ծննդատան հատվածը դարձել է մեկուսարան, նմանատիպ իրավիճակ է նաև մարզերի ԲԿ-ներում։
Լիլիթ Շաբոյան
