Քաղաքականություն
14.04.2020 | 16:26«Եթե կա ժողովրդի վստահությունը, ապա մենք պրոբլեմ չունենք»,- ահա այսպես արձագանքեց Արցախի նախագահի թեկնածու Արայիկ Հարությունյանն իրեն ուղղվող քննադատություններին, թե ցածր մասնակցության ու ընտրությունների որակին տրված գնահատականները կարող են իր լեգիտիմությունը կասկածի տակ դնել։
Հարությունյանն իրեն ու թիմակիցներին ուղղվող մեղադրանքներից որոշներում արհեստականություն է տեսնում․ «Լեգիտիմության ապացույցն է, որ ժողովուրդն ուզում է ընտրություններ։ Ախր ինչպե՞ս պետք էր հետաձգել ընտրությունը։ Եթե նախագահը հայտարարեց արտակարգ դրություն ու թեկնածուներից մեկը դիմեր դատարան, հարցներ՝ ի՞նչ հիմքերով ես հայտարարում արատակարգ դրություն՝ առանց արտակարգ իրավիճակ հայտարարելու»։
Հարությունյանը համաշխարհային տնտեսական աղետ է կանխատեսնում, բայց լավատես է․ «Համախմբվելով Հայաստանի իշխանության շուրջ, մենք կարողանալու ենք պատվով դուրս գալ»։
Ի՞նչ դասավարություն է սպասվում Արցախի խորհրդարանում, ի՞նչ ուժերի հետ են հնարավոր կոալիցիաները, Արայիկ Հարությունյանը նշում է, որ պարտադիր բոլոր ուժերի հետ էլ համագործակցելու են, իսկ թե որոնց հետ իշխանություն կկազմեն, պատասխանեց․ «Մի քանի օրից ես սկսելու եմ հանդիպումներս քաղաքական տարբեր ուժերի հետ։ Այս երկրում ես պրոբլեմ չունեմ ո՛չ Մասիս Մայիլյանի, ո՛չ Սամվել Բաբայանի հետ»։
Մանրամասները՝ տեսանյութում:
Ռոբերտ Անանյան
