20.01.2026 | 18:10
Հայաստանի և Ադրբեջանի համատեղ ջանքերով կհասնենք հավերժական խաղաղության Կովկասում. սա է մեր նպատակը. Ալիև
«Հնչել է մեկ կրակոց». Հովհաննես Ազոյանը՝ գիշերը իր բնակարանի վրա կրակոցի մասին
Հասարակություն
14.04.2020 | 12:55
Այս գիշեր՝ ժամը 01:25-ի սահմաններում, կրակոց է հնչել դերասան Հովհաննես Ազոյանի բնակարանի պատուհանի ուղղությամբ:
Ազոյանը պատմել է, որ կրակոցի ձայնը չեն լսել, լսել են պատուհանի կոտրվելու ձայնը, երբ հայտնաբերել են, որ պատուհանը ծակ է, ահազանգել են Ոստիկանություն: Ազոյանի խոսքով՝ հնչել է մեկ կրակոց, վնասվել է միայն պատուհանը, տուժածներ, բարեբախտաբար, չկան:
Դեպքի պահին դերասանը տանն է եղել իր ծնողների հետ, հարևանները որևէ բան լսել են, թե ոչ, դժվարացել է ասել, նշել է՝ քննությունը կպարզի: «Ահազանգել եմ ոստիկանություն, արդեն բացատրություն եմ տվել, տեղում զննել են, գործողությունները կատարվել են, պարզապես պետք է ասեմ, որ ոստիկանները եկել են առանց որևէ դիմակի, առանց սոցիալական հեռավորություն պահելու, այսինքն՝ կորոնավիրուս Հայաստանում չկա, թող պարետն էլ իմանա, որ ոստիկանությունն աշխատում է առանց ձեռնոցի, առանց դիմակի, մինչդեռ տանը կան մեծահասակ ծնողներ»,- «Հայկական ժամանակ»-ի հետ զրույցում ասել է դերասանը:
Դերասանի խոսքով՝ ոստիկանները եղել են մոտ 10-15 հոգի, և երբ ինքը հարցրել է, թե ինչու են առանց պաշտպանիչ միջոցների, պատասխանել են, որ չեն հասցրել վերցնել կամ չկար. «Եթե ոստիկանությունը մեզ փողոցում կանգնեցնում է և պահանջում, որ մենք ունենանք անցագիր և պահպանենք պարետի կանոնները, ապա հենց իրենք չեն կատարում»:
Դեպքի առթիվ ոստիկանությունում նախապատրաստվում են նյութեր:
Առավել Մանրամասն՝ սկզբնաղբյուր կայքում:
