04.08.2026 | 11:34
160 կմ՝ 55 ժամում. Լեհ մարզիկը լողալով հատել Բալթիկ ծովը. ՏԵՍԱՆՅՈՒԹ
Խորհրդարանն ընդունեց գրավը որպես խափանման առանձին միջոց սահմանելու նախագիծը
Քաղաքականություն
14.04.2020 | 11:32
Ազգային ժողովը երկրորդ ընթերցմամբ և ամբողջությամբ ընդունեց գրավը՝ որպես առանձին խափանման միջոց, սահմանելու վերաբերյալ Կառավարության ներկայացրած նախագիծը։
Հայաստանի Հանրապետության քրեական դատավարության օրենսգրքում փոփոխություններ և լրացումներ կատարելու մասին նախագծին կողմ քվեարկեց 97, դեմ 1 պատգամավոր։
Նախագիծը քննարկելուց հետո անմիջապես դրվեց քվեարկության, քանի որ, ըստ ՍԴ որոշման, տվյալ կարգավորումը պետք է կատարվի մինչև ապրիլի 15-ը։
Նախագծի հարակից զեկուցմամբ հանդես եկավ «Իմ քայլը» խմբակցության պատգամավոր Նիկոլայ Բաղդասարյանը։
«Գործող Քրեական օրենսգիրքը գրավ, կալանք երևույթը սխալ է կարգավորում։ Ի՞նչ ունենք, անձի նկատմամբ քննիչի միջնորդությամբ ընտրվում է կալանք, այնուհետև դատարանը հնարավորություն ուներ գրավ կիրառել։ Ստացվում էր՝ մարդը կալանքի տակ է գտնվում, բայց դրսում է, քանի որ գրավ է վճարում։ Այդպես լինել չէր կարող և Վճռաբեկ դատարանը դիմեց Սահմանադրական դատարան և ՍԴ-ն որոշում կայացրեց, որ չի կարող լինել այն փաստը, որ մարդը լինի կալանքի տակ, բայց միաժամանակ լինի դրսում, քանի որ գրավ է վճարել։ Պետք է պարտադիր կերպով կողմ քվեարկենք այդ նախագծին, հակառակ դեպքում կունենանք մի իրավիճակ, երբ մեր պետությունը ուղղակի գրավ կիրառելու հնարավրություն չի ունենա»,- նշեց պատգամավորը։
