17.09.2026 | 23:38
Սամվել Կարապետյանի տնային կալանքը երկարաձգվել է
Աջակցության ծրագրով 5.207 շահառու արդեն ընդհանուր 787.9 մլն դրամ միանվագ դրամաշնորհ է ստացել. ՊԵԿ նախագահ. ՏԵՍԱՆՅՈՒԹ
Հասարակություն
13.04.2020 | 13:21
Կորոնավիրուսի տնտեսական հետևանքների չեզոքացման 5-րդ միջոցառման շրջանակում արդեն 5207 շահառու ստացել է ընդհանուր 787.9 միլիոն դրամ միանվագ դրամաշնորհ:
Կառավարության արտահերթ նիստում ՊԵԿ նախագահ Դավիթ Անանյանը հայտնեց, որ միջոցառման շահառու հանդիսանալու վերաբերյալ ավտոմատ ծանուցում է ստացել 9725 գործատու, ծանուցումների հիման վրա դիմում է ներկայացրել 5388 շահառու:
Վարչապետ Նիկոլ Փաշինյանն էլ հավելեց, որ տնտեսական հետևանքների չեզոքացման հինգերորդ միջոցառումն ամենաակտիվն է:
Հիշեցնենք, որ աջակցության ծրագրի 5-րդ միջոցառման շահառու են ռեզիդենտ այն տնտեսավարողները, որոնք այս տարվա հունվարի 1-ից մինչև ապրիլի 1-ն ընկած ժամանակահատվածում անընդհատ ունեցել են 2-ից մինչև 50 վարձու աշխատակից, և վճարված աշխատավարձի փաստացի ֆոնդը չի նվազել նշված ժամանակահատվածում:
Մանրամասները՝ տեսանյութում:
