12.12.2024 | 11:45
Ենթադրում եմ՝ բոլոր ճանապարհները չեն նորոգվել, պետք է գրել՝ քանի կիլոմետր․ Փաշինյանը՝ Խուդաթյանին․ ՏԵՍԱՆՅՈՒԹ
Գեղարքունիքի մարզում վարակակրի հետ շփում ունեցած 6 բուժաշխատողներ մեկուսացված են. մարզպետ
11.04.2020 | 20:23
Գեղարքունիքի մարզում այսօր կորոնավիրուսի առաջին դեպքն է գրանցվել։ Հիվանդը 8 օր բուժում է ստացել Մարտունու հիվանդանոցում։ Այս մասին Factor.am-ի հետ զրույցում տեղեկացրեց Գեղարքունիքի մարզպետ Գնել Սանոսյանը։
«Դեպք է գրանցվել, քաղաքացին 8 օր բուժվել է հիվանդանոցում։ Այդ հիվանդանոցում, ինչպես մարզի բոլոր հիվանդանոցների բուժանձնակազմը, համապատասխան հագուստով պաշտպանված է՝ դիմակներով, արտահագուստով և այլն։ Այս հիվանդին բուժող 2 բժշկին հիմա թեստավորում ենք արել, որպեսզի հասկանանք՝ հնարավո՞ր է իրենք, որ անմիջապես շփում են ունեցել վարակված քաղաքացու հետ, ևս վարակված լինեն։ Կոնտակտավոր մյուս անձանց գտել ենք, մեկուսացրել»,- ասաց մարզպետը:
Հարցին՝ այս պահին բուժաշխատողներից քանիսն են մեկուսացված, Գնել Սանոսյանը պատասխանեց. «Բուժաշխատողներից 6-ն են մեկուսացված, որից 2-ը նրա հետ աշխատող բժիշկներն են։ Հիվանդանոցը բնականոն հունով աշխատում է»։
Ըստ մարզպետի՝ հիվանդն այս պահին իրեն լավ է զգում, նույնիսկ չի ջերմում:
«Ուղղակի դրական թեստ կա, և պետք է սպասել բժիշկների հետագա քայլերին»,- նշեց Գեղարքունիքի մարզպետը։
Անժելա Պողոսյան
