20.01.2026 | 11:20
Արմեն Ռուստամյանի ճեպազրույցը՝ ՈՒՂԻՂ
Ինքնամեկուսացած քաղաքացին փորձել է ինքնասպան լինել
10.04.2020 | 21:40
Factor.am-ի տեղեկություններով՝ Ռուսաստանի Դաշնությունից 13 օր առաջ Հայաստան եկած և ինքնամեկուսացած քաղաքացին այսօր ինքնասպանության փորձ է կատարել։ Նա, մտածելով, որ իր մոտ նոր կորոնավիրուս է առկա, քացախաթթվի էսենցիա է խմել՝ կյանքին վերջ տալու համար:
Դեպքը տեղի է ունեցել Գյումրիում՝ այսօր կեսօրին։ Ինքնասպանության փորձ կատարածը Գյումրու բնակիչ, 66 ամյա Լևոն Կ.-ն է: Գյումրու ԲԿ-ից Factor.am-ին փոխանցեցին, որ այսօր 12:30-ի հատվածում հիվանդանոց է ընդունվել քաղաքացի, որի մոտ ախտորոշվել է սուր էկզոգեն թունավորում՝ քացախաթթվից: Գյումրու բժշկական կենտրոնում առաջին բուժօգնություն ցուցաբերելուց հետո տղամարդուն տեղափոխել են Երևան՝ թունաբանական կենտրոն: Կատարվել է նաև թեստավորում՝ կորոնավիրուսը ախտորոշելու համար: Գյումրու ԲԿ-ից նաև հայտնեցին, որ դեպքի մասին տեղյակ են պահել ոստիկանությանը։
Նարեկ Կիրակոսյան
