«Մեր Գյումրի» սոցիալական բնակարանաշինության ծրագիր կիրագործվի. ավագանին նոր տարածք հատկացրեց

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Գյումրիի ավագանին այսօրվա նիստում նոր հողատարածք նվիրաբերեց  «Հայաստան» համահայկական հիմնադրամին՝ բազմաբնակարան շենք ու մանկապարտեզ կառուցելու համար։

«Քննարկվել է տարածքի հարցը, նպատակային է համարվել Մուշ-2 թաղամասում 5800 ք.մ. մակերեսով համայնքային ենթակայության հողամասը նվիրաբերել «Հայաստան» համահայկական հիմնադրամին՝ ծրագիրն իրականացնելու համար»,- նիստի ժամանակ ասաց Գյումրիի գլխավոր ճարտարապետ Հենրիկ Գասպարյանը։

Քաղաքապետ Սամվել Բալասանյանն էլ նշեց, որ կկառուցվի 43-44 բնակարան, նաև մանկապարտեզ, որը կարևոր է Մուշ-2 թաղամասի համար։

Նշենք, որ հիմնադրամը «Մեր Գյումրի» ծրագրի մեկնարկի մասին հայտարարել էր դեռևս 2019 թվականի հուլիսին, սակայն ամիսներ առաջ պարզվեց, որ այն հետաձգվում է։ Ծրագրի շրջանակում ավելի վաղ ՀՀ նախագահի, Շիրակի մարզպետարանի և Գյումրու քաղաքապետարանի աջակցությամբ ու ավագանու որոշմամբ՝ հիմադրամին տրամադրվել էին Բուլվարային թաղամասի Գործարանային փողոցում գտնվող Ռադիոգործարանի մասնաշենքերը։ Սակայն շենքերի վթարայնության պատճառով որոշվել էր այլ տարածք փնտրել բնակարանաշինության ծրագրի համար։

«Ըստ ծրագրի՝ շենքերը պետք է վերակառուցվեին և տրամադրվեին անօթևան ընտանիքներին: Այդուհանդերձ, ի գիտություն ընդունելով ԱԻՆ-ի կողմից ստացված վերջին եզրակացությունն առ այն, որ շենքերը 3-րդ աստիճանի վթարային են, այժմ քննարկվում են այլընտրանքքային տարբերակներ»,- ավելի վաղ Factor.am-ին փոխանցել էին «Հայաստան» համահայկական հիմնադրամի հասարակայնության հետ կապերի բաժնից՝վստահեցնելով, որ ծրագիրն անպայման իրագործվելու է։

Հիշեցնենք, որ «Մեր Գյումրի» ծրագրի շրջանակում կառուցվելու էր յուրօրինակ սոցիալական թաղամաս, երկար տարիներ տնակներում բնակվող գյումրեցի ընտանիքները հնարավորություն էին ունենալու ապրել ու աշխատել մի վայրում։  Շահառուների բնակարանային խնդրի լուծման հետ մեկտեղ՝ նրանց աշխատելու, կրթվելու, զարգանալու և նոր հմտություններ ձեռք բերելու հնարավորություն էր տրվելու։ Այս պայմաններն առկա են նաև նոր ծրագրում։

Էմմա Չոբանյան