30.04.2026 | 14:02
Զելենսկին արձագանքել է Պուտինի՝ մայիսի 9-ի հրադադարի առաջարկին
Քննարկվում է երկուշաբթի օրվանից հանրային տրանսպորտի աշխատանքի վերսկսման հարցը
10.04.2020 | 13:35
Factor.am-ի տեղեկություններով կառավարությունում քննարկվում է ապրիլի 13-ից՝ երկուշաբթի օրվանից, հանրային տրանսպորտի աշխատանքը վերսկսելու հարցը:
Նշենք, որ ապրիլի 12-ին Հայաստանում ավարտվում է պարետատան կողմից արտակարգ դրության շրջանակներում հայտարարված խստացված ռեժիմը, որի շրջանակներում, ի թիվս այլ սահմանափակումների, դադարեցվել էր մետրոյի և հանրային երթուղիների աշխատանքը:
Factor.am-ը վարչապետի խոսնակից հետաքրքրվեց՝ արդյոք այդ տեղեկությունները ճիշտ են և հնարավոր է, որ ապրիլի 12-ից հետո հանրային տրանսպորտը սկսի գործել․ «Այս պահին նման որոշում չկա, դեռ քննարկման փուլում է, խստացված ռեժիմի ժամկետն ավարտվում է ապրիլի 14-ին: Հետագա որոշման մասին պաշտոնապես կտեղեկացնենք»:
Նշենք, որ ապրիլի 14-ին էլ ավարտվում է երկրում հայտարարված արտակարգ դրությունը: Այն երկարաձգելու հետ կապված ևս առայժմ պաշտոնական տեղեկատվություն չկա:
Նարեկ Կիրակոսյան
