30.08.2026 | 22:00
ԵՄ դեպանը Սևանա լիճ և Տավուշի մարզ է այցելել
Թմրանյութեր, թե՞ կաշառք․ ԱԱԾ-ն չի մեկնաբանում, թե ինչ կարգավիճակ ունի ոստիկանության Դավիթաշենի բաժնի պետը
Հասարակություն
10.04.2020 | 13:01
Ինչպես երեկ տեղեկացրել էինք, Ազգային անվտանգության ծառայության աշխատակիցներն այցելել են ու Ոստիկանության ներքին անվտանգության վարչության աշխատակիցների հետ քննչական գործողություններ էին կատարել Ոստիկանության Դավիթաշենի բաժանմունքում։
Անմիջապես դեպքի վայր մեկնած մեր թղթակիցը պարզել էր, որ Ոստիկանության բաժանմունքի պետին ԱԱԾ աշխատակիցները բերման են ենթարկել։
Երեկվանից պաշտոնական պարզաբանում չկա, թե ինչ գործի շրջանականերում են քննչական գործողություններ կատարվել և ինչ կարգավիճակ ունի բերման ենթարկված Ոստիկանության բարձրաստիճան պաշտոնյան։ Երկու վարկած են լրատվամիջոցները շրջանառում․ մեկը կապված է կաշառք վերցնելու դեպքի, մյուսը՝ թմրանյութերի շրջանառության հետ։
Factor.am-ը փորձեց ԱԱԾ-ից մեկնաբանություն ստանալ, թե, ի վերջո, ինչ գործի մասին է խոսքը, մեզ կառույցից հայտնեցին հետևյալը․ «Հարուցվել է քրեական գործ և նախաքննության շահերից ելնելով՝ որևէ տեղկություն չենք կարող փոխանցել»։
ԱԱԾ-ից, սակայն, չբացառեցին, որ հաղորդագրություն կտարածեն։
Լիլիթ Շաբոյան
