Տնտեսություն
09.04.2020 | 14:41«Գազպրոմ Արմենիա»-ն ոչ թե որոշել է՝ որ բաժանորդների համար բարձրացնել գազի գինը, այլ բոլոր բաժանորդների համար մեկ սակագին է ներկայացրել: Սպառողների տարբեր խմբերի համար գազի գնի բարձրացումը կամ իջեցումը ընկերությանը չի հետաքրքրում, նրան հետաքրքրում է իր հասույթը: «Հայ-ռուսական «գազային» թնջուկը. ի՞նչ ավարտ կունենան բանակցությունները» թեմայով քննարկման ժամանակ ասաց Հանրային ծառայությունները կարգավորող հանձնաժողովի անդամ Սերգեյ Աղինյանը:
Քննարկմանը մասնակցող տնտեսագետ Վահագն Խաչատրյանը հակադարձեց՝ մինչև հիմա հետաքրքրում էր, երբ ջերմոցների ու գազալցակայանների համար իջեցրեցին գազի գինը:
«Երբ «Գազպրոմ»-ի նախկին ղեկավարությունը սկսեց զբաղվել ջերմոցային տնտեսությամբ, պետք էր ջերմոցային տնտեսությանը վաճառվող գազի գինն իջեցնել: Եվ երբ «Գազպրոմ»-ի նախկին ղեկավարությունն ուներ գազալցման կայաններ, կարիք ուներ դրանց գներն իջեցնել: Այսինքն՝ երբ «Գազպրոմ»-ի նախկին ղեկավարությունը շահագրգիռ էր, ինքն էլ Հայաստանի կառավարության ղեկավարն էր՝ Կարեն Կարապետյանը, ինչպես նաև իր տեղակալը, որը հարկայինի պետն էր, այդ ժամանակ կարելի՞ էր գազի գներն այդ երկու բնագավառներում ցածր պահել և մեզանից շատ վերցնել: Բայց հիմա, քանի որ իրենք չեն, Նիկոլ Փաշինյանն է, և իրենք այդքան այդքան շահագրգիռ չեն Հայաստանի տնտեսության զարգացմամբ, կարելի է ջերմոցների և գազալցակայանների համար գինը բարձրացնել»,- հայտարարեց տնտեսագետը:
Մանրամասները՝ տեսանյութում:
