14.12.2025 | 13:28
Բռնցքամարտի Հայաստանի հավաքականը պատմական արդյունքով է վերադարձել հայրենիք
Դատախազությունն ու ԱԱԾ-ն Նիկոլ Փաշինյանի նշած աղմկոտ քրգործից մանրամասներ չեն փոխանցում
Հասարակություն
08.04.2020 | 22:08
Հայաստանի իրավապահ կառույցները շարունակում են որևէ տեղեկություն չտրամադրել Սերժ Սարգսյանի իշխանության օրոք ձեռք բերված 42 միլիոն դոլարի անսարք զենքի քրգործ մասին:
Հիշեցնենք՝ մարտի 11-ին Սյունիքի մարզի Տաթև համայնքում սահմանադրական հանրաքվեի նախընտրական քարոզարշավի ժամանակ վարչապետ Նիկոլ Փաշինյանն անդրադարձել էր երրորդ նախագահ Սերժ Սարգսյանի այն հայտարարությանը, որ Արցախն Ադրբեջանի մաս չի կարող լինել: Նիկոլ Փաշինյանը, ի թիվս այլ մեղադրանքների, ասել էր, որ Սարգսյանի իշխանությունը 42 մլն դոլարի զենք է ձեռք բերել, որը հնարավոր չէ կիրառել ռազմական գործողությունների ժամանակ:
Ազգային անվտանգության ծառայությունից, չհերքելով, որ քրեական գործն իրենց վարույթում է, Factor.am-ին փոխանցել են՝ նախնական քննության տվյալներով պայմանավորված՝ որևէ պարզաբում չեն կարող ներկայացնել: Ավելի վաղ Հատուկ քննչական ծառայությունից ու Քննչական կոմիտեից Factor.am-ին փոխանցել էին, որ իրենց վարույթներում նման գործ չկա: Գլխավոր դատախազությունից էլ փոխանցում են, որ կա քրեական գործ, բայց այլ մանրամասներ չեն հայտնում՝ անվտանգության նկատառումներից ելնելով:
Հավելենք, որ Սերժ Սարգսյանի պաշտպան Ամրամ Մակինյանը մեզ հետ զրուցում նշել է, որ այս գործով երրորդ նախագահը որևէ նախաքննական մարմին չի հրավիրվել:
Կարդացեք Factor.am-ի՝ «42 մլն դոլարի ի՞նչ անպետք զենք է ձեռք բերել Սերժ Սարգսյանի իշխանությունը. մանրամասներ» վերտառությամբ հրապարակումը:
Նարեկ Կիրակոսյան
