17.09.2026 | 23:38
Սամվել Կարապետյանի տնային կալանքը երկարաձգվել է
Մենք այսօր գործ ունենք ահաբեկված դատական համակարգի հետ. Հայկ Ալումյան
Հասարակություն
08.04.2020 | 11:28
«Եթե ենթադրենք, որ դատավոր Աննա Դանիբեկյանը անաշխատունակ է մարտի 13-ից, ապա ինչպե՞ս էին նրա աշխատակազմից մեզ ասում, որ մարտի 17-ի դատական նիստը անպայման կկայանա: Ես մարտի 16-ին դատարան եմ ներկայացրել նախկին վարչապետների անձնական երաշխավորության մասին միջնորդությունը, և մեզ կրկին որևէ բան չեն ասել, որ հոջորդ օրվա դատական նիստը չի կայանալու։ Մինչդեռ միջնորդություն ստանալուց հաջորդ օրը նոր հայտնի դարձավ, որ դատավորը անաշխատունակ է»,- այսօր հրավիրված ասուլիսի ժամանակ ասաց երկրորդ նախագահ Ռոբերտ Քոչարյանի պաշտպան Հայկ Ալումյանը։
Նա նաև ասաց, որ իրենք մեկ այլ միջնորդություն ևս ներկայացրել են. այն է՝ կորոնավիրուսի հետևանքով առաջացած իրավիճակում թիրախային խմբում գտնվող անձանց, նաև՝ Ռոբերտ Քոչարյանին, որպես վաթսունն անց անձ, ազատ արձակել, սակայն այս միջնորդությունը ևս չի քննարկվել։
Ալումյանը նշեց, թե «վարչապետի սպառնալիքները իրենց գործն արել են»:
«Մենք այսօր գործ ունենք ահաբեկված դատական համակարգի հետ, որտեղ որոշ դատավորներ պահպանել են իրենց մասնագիտական արժանապատվությունը, բայց ընդհանուր համակարգը չի գործում»,- նշեց փաստաբանը։
Լիլիթ Շաբոյան
