19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ․ ՏԵՍԱՆՅՈՒԹ
Ռուսաստանը Լևոն Սարգսյանին կարտահանձնի. ՌԻԱ Նովոստի
Քաղաքականություն
08.04.2020 | 10:56
Հայաստանին Ռուսաստանի Դատախազությունը բավարարել է Հայաստանի դիմումը՝ արտահանձնելու ԱԺ նախկին պատգամավոր, հետախուզման մեջ գտնվող Լևոն Սարգսյանին (հայտնի «Ալրաղացի Լյովիկ» անունով)։ Այս մասին տեղեկացնում է «ՌԻԱ Նովոստին»։
Մարտին ՀՀ գլխավոր դատախազի խորհրդական Գոռ Աբրահամյանը հայտնել էր, որ ռուսական կողմը որոշել է Երևանին փոխանցել Սարգսյանին։ «ՀՀ գլխավոր դատախազության դիմումը նրան փոխանցելու վերաբերյալ ներկայացվել է ՌԴ դատախազություն միջազգային պայմանագրերով սահմանված ժամկետներում՝ անհրաժեշտ փաստաթղթերի հետ միասին։ 2020 թվականի մարտի 19-ին ՌԴ դատախազությունը որոշում է կայացրել բավարարել ՀՀ գլխավոր դատախազության հայցը Սարգսյան Լ․Հ․-ին հանձնելու մասին՝ նրան մեղսագրվող հանցագործությունների համար քրեական պատասխանատվության ենթարկելու նպատակով», – նշված է գերատեսչության պատասխանում։
Լևոն Սարգսյանը եղել է ԱԺ մի քանի գումարման պատգամավոր, Հանրապետական կուսակցության անդամ։
Հիշեցնենք, որ Լևոն Սարգսյանը հետախուզման մեջ է 2018 թվականից՝ 10 տարի առաջ Մաքսային ծառայության ղեկավար Արմեն Ավետիսյանի տան վրա կատարված հարձակման գործի շրջանակներում:
