30.08.2026 | 22:00
ԵՄ դեպանը Սևանա լիճ և Տավուշի մարզ է այցելել
Եթե նման որոշում կայացվի, ես այդ որոշումը հարգելու եմ. Արայիկ Հարությունյանը՝ ընտրության 2-րդ փուլի հնարավոր հետաձգման մասին
Քաղաքականություն
07.04.2020 | 18:03
Արցախում կորոնավիրուսի առաջին հաստատված դեպքով պայմանավորված՝ նախագահի ընտրությունների 2-րդ փուլի հնարավոր հետաձգման վերաբերյալ Factor.am-ն այսօր մեկնաբանություն ստացավ «Ազատ Հայրենիք» կուսակցության նախագահ, Արցախի նախագահի ընտրությունների 1-ին փուլում ամենից շատ ձայներ ստացած թեկնածու Արայիկ Հարությունյանից։
«Օպերատիվ շտաբը պետք է որոշում կայացնի։ Ես ցանկացած որոշման կողմ եմ»,-մեզ հետ զրույցում ասաց Հարությունյանը։
Հստակեցմանը՝ եթե որոշվի, որ ընտրության 2-րդ փուլը հետաձգվում է, ինքը դեմ չի՞ արտահայտվի, նախագահի թեկնածուն ասաց. «Եթե նման որոշում կայացվի, ես այդ որոշումը հարգելու եմ։ Միշտ էլ այդ մասին ասել եմ»։
Իսկ արդյո՞ք նման քննարկում սպասվում է հարցին՝ Հարությունյանն արձագանքեց. «Ես ո՞վ եմ, որ նման քննարկման մասնակցեմ։ Օպերատիվ շտաբ կա, իրենք են որոշում»։
Դիտարկմանը, որ դեռևս առաջին փուլից առաջ նախագահի մի քանի թեկնածու հորդորում էին հետաձգել ընտրությունները՝ Արայիկ Հարությունյանը չցանկացավ պատասխանել. «Եկեք բավարարվենք այսքանով։ Ես հիմա ոչ թե նախագահի թեկնածու եմ, այլ հասարակ քաղաքացի։ Ես ցանկացած որոշում ընդունելու եմ»։
Հիշեցնենք. այսօր Արցախի առողջապահության նախարարությունից հայտնեցին, որ Երևան ուղարկված փորձանմուշների թեստավորման արդյունքում Արցախում մեկուսացված երկու անձանցից մեկի մոտ հաստատվել է կորոնավիրուս։
Հավելենք նաև, որ Արցախի նախագահի ընտրության 2-րդ փուլը նախանշված է ապրիլի 14-ին։
Մերի Մարտիրոսյան
