08.06.2026 | 18:02
Այս ընտրությունները ցույց են տալիս, որ միայն հայերն են որոշելու իրենց երկրի ապագան․ Ուկրաինայի ԱԳ նախարար
Մեծ քայլեր են կատարվել տարածքային համաչափ զարգացման ուղղությամբ․ Սուրեն Պապիկյան. ՏԵՍԱՆՅՈՒԹ
Քաղաքականություն
07.04.2020 | 12:16
2019 թվականին մեծ քայլեր են կատարվել տարածքային համաչափ զարգացման ուղղությամբ: Այս մասին այսօր ԱԺ տնտեսական հարցերի մշտական հանձնաժողովի նիստում տեղեկացրեց տարածքային կառավարման և ենթակառուցվածքների նախարար Սուրեն Պապիկյանը։
«Գյումրի քաղաքը՝ կենտրոնական հատվածը, հնարավոր եղավ որպես երկրորդային տնտեսական կարևոր կենտրոն դարձնել Հայաստանի համար, դարձնել բարեկարգ և արդիական։ Նախատեսվում է Հայաստանի մի քանի բնակավայրեր նույն ոգով զարգացնել։ Իհարկե, շեշտը չի դրվելու միայն զբոսաշրջության վրա, կունենանք տնտեսական կենտրոններ, որոնք կարող են լինել արդյունաբերական՝ թեթև և ծանր արդյունաբերության կարևոր կենտրոններ»,- նշեց նա։
Նախարարի խոսքով՝ տարածքային կառավարման համար շատ կարևոր են եղել սուբվենցիոն ծրագրերը. «2019 թվականին, 2018 թվականի համեմատ, մենք գրեթե 3 անգամ ավելի սուբվենցիոն ծրագրեր ենք իրականացրել՝ շուրջ 462 ծրագիր»։
Մանրամասները՝ տեսանյութում:
