04.08.2026 | 14:10
Հնարավորություն կա, որ Հայաստանի վերաբերյալ օրինագիծը Եվրախորհրդարանում քվեարկվի սեպտեմբերին․ Բոգդան Զդրոյեվսկի
Աշխարհում կորոնավիրուսով վարակվածների թիվը գերազանցել է 1 միլիոնը. «Իզվեստիա»
Քաղաքականություն
03.04.2020 | 16:43
Աշխարհում նոր կորոնավիրուսով (COVID-19) վարակի հաստատված դեպքերի թիվը գերազանցել է մեկ միլիոնը՝ կազմելով 1 մլն 2 հազար 159: Այս մասին գրում է «Իզվեստիան»-ն՝ վկայակոչելով Ջոն Հոփքինսի համալսարանի տվյալները:
Աղբյուրի փոխանցմամբ՝ վարակի զոհ է դարձել 51.485 մարդ, 208.630 հիվանդ առողջացել է:
ԱՀԿ գլխավոր տնօրեն Թեդրոս Գեբրեյսուսը դեռևս նախօրեին Ժնևում կոնֆերանսի ժամանակ էր կարծիք հայտնել, որ առաջիկա օրերին կորոնավիրուսով վարակի դեպքերն աշխարհում կարող են գերազանվել մեկ միլիոնը:
SARS-CoV-2 վիրուսի բռնկումը, որը COVID-19 ինֆեկցիոն հիվանդության հարուցիչն է, հիշեցնենք, տեղի է ունեցել 2019 թվականի դեկտեմբերի Չինաստանի Ուհան քաղաքում:
Մարտի 11-ին ԱՀԿ-ն այս վարակի պանդեմիա է հայտարարել:
