07.08.2026 | 13:29
Հայ ուշուիստները մեդալներ են նվաճել միջազգային մրցաշարում
Գյումրիում բանկերի ու բանկոմատների մոտ կուտակումներ են, կանգառները, սակայն, դատարկ են. ԼՈՒՍԱՆԿԱՐՆԵՐ
02.04.2020 | 17:40
Հայաստանում տեղաշարժի խիստ սահմանափակումները երկարաձգվեցին մինչև ապրիլի 12-ը: Չնայած դրան՝ Գյումրիի փողոցներում այսօր, ի տարբերություն նախորդ օրերի, մարդկանց թիվն է ավելացել:
Հասարակական տրանսպորտը, պարետի որոշման համաձայն, չի գործում, կանգառները դատարկ են, սակայն փողոցներում որոշակի աշխուժություն, այնուամենայնիվ, կա:
Մարդկանց թիվը մեծ է հատկապես բանկերում ու բանկոմատների մոտ։ Ամսվա սկիզբ է և աշխատավարձերի ու թոշակների վճարումներով պայմանավորված՝ մարդիկ, նույնիսկ կորոնավիրուսով վարակվելու վտանգն անտեսելով, բանկեր են այցելում՝ գումար ստանալու։
Որոշ բանկոմատների մոտ մեկ-երկու հոգու կարելի է հանդիպել, իսկ որոշների մոտ մարդկանց կուտակումներ են, հերթերում՝ տարեցներ։ Աշխատավարձերն ու թոշակները ստանալուց հետո էլ մարդիկ շտապում են մթերային խանութներ՝ գնումներ կատարելու։
Միաժամանակ, շարունակում են նախկինի պես փակ մնալ հագուստի, էլեկտրոտեխնիկայի խանութները, սրճարանները ու ռեստորանները։ Գործում են միայն մթերային խանութները, բանկերն ու դեղատները։
Էմմա Չոբանյան
