23.02.2026 | 13:03
Հայտնի են BAFTA 2026-ի հաղթողները. «Պարոն Ոչ ոքն ընդդեմ Պուտինի» ֆիլմը` լավագույն վավերագրական ֆիլմ
Զգուշացում Հունգարիային. ԵՄ մի շարք երկրներ կորոնավիրուսի ֆոնին մարդու իրավունքների ոտնահարումներից զերծ մնալու կոչ են արել
Հասարակություն
02.04.2020 | 15:22
Գերմանիան ու Եվրամիության անդամ ևս 12 երկիր հայտարարություն են հրապարակել, որում առանձին պետությունների կոչ են արել զերժ մնալ կորոնավիրուսի համաճարակի դեմ պայքարի անվան տակ մարդու հիմնարար իրավունքների և ազատությունների երկարաժամկետ ոտնահարումից: Այս մասին գրում է DW-ն:
Աղբյուրի փոխանցմամբ՝ փաստաթղթի հեղինակներն ընդգծել են, որ «խորապես մտահոգված են» օրենքի գերիշխանության վտանգներով, որոնք կարող են առաջանալ՝ կորոնավիրուսի դեմ պայքարի ֆոնին ձեռնարկվող «որոշակի արտակարգ միջոցառումների» արդյունքում:
AFP-ն գրում է, որ հայտարարությունը, ամենայն հավանականությամբ, Հունգարիայում տիրող իրավիճակի արդյունք է, որի խորհրդարանը մարտի 30-ին Վիկտոր Օրբանի կառավարությանը բացառիկ լիազորություններով է օժտել արտակարգ դրության ռեժիմի գործողության ժամանակահատվածում:
«Լրագրողներ առանց սահմանների» իրավապաշտպան կազմակերպությունն ավելի վաղ խստորեն քննադատել էր հունգարական օրինագիծը:
«Վարչապետ Վիկտոր Օրբանը չարաշահում է ճգնաժամային իրավիճակը՝ հունգարական լրատվամիջոցների նատմամբ բացարձակ իշխանություն ունենալու ձգտման մեջ»,- ասել է կազմակերպության գործադիր քարտուղար Քրիստիան Միրը:
Նրա խոսքով՝ փաստաթուղթը սպառնում է «փակել վերջին անկախ լրագրողների բերանը»:
Լյուքսեմբուրգի ԱԳ նախարար Ժան Ասելբորնն իր հերթին գերմանական Die Welt-ին տված հարազրույցում ասել է, թե եվրոպացիները չպետք է հաշտվեն այն բանի հետ, որ ԵՄ-ի ներսում «բռնապետական կառավարություններ» կան, և կոչ է արել Հունգարիայի կառավարությանը «քաղաքական կարանտին» ուղարկել:
