16.03.2026 | 10:53
Սյունիքի նախկին մարզպետը դատի է տվել ՔՊ-ական Արմեն Խաչատրյանին` ֆեյսբուքյան գրառման համար․ նա 1 մլն դրամ է պահանջում
Մենք տիրապետում ենք տնտեսության զարկերակին․ վարչապետ. ՏԵՍԱՆՅՈՒԹ
Տնտեսություն
02.04.2020 | 11:23
Ճգնաժամի պայմաններում հարկային կարգապահությունը պետք է է՛լ ավելի խստանա: Այս մասին այսօր կառավարության նիստում հայտարարեց ՀՀ վարչապետ Նիկոլ Փաշինյանը:
«Այն շրջիկ խոսակցությունը, որ մարդիկ չեն աշխատում, իսկ դուք հարկեր եք պահանջում, ուզում եմ նորից ընդգծել, որ հարկերը գոյանում են աշխատանքի, դրամաշրջանառության, եկամուտների շրջանառության պարագայում: Այսինքն՝ գործնականում հնարավոր չէ հարկեր հավաքել այն մարդկանցից, որոնք շրջանառություն և եկամուտներ չունեն: Իհարկե, կան նաև որոշակի հաստատագրված հարկերի տեսակներ, բայց նաև այդ հարկերի հավաքագրումն ապահովելու համար է, որ մենք լայն տնտեսական աջակցության ծրագրեր ենք իրականացնում: Հարկային կարգապահությունը որևէ ձևով չպետք է թուլանա, առավել պետք է ուժեղանա, որովհետև առավել ևս ճգնաժամի պայմաններում բոլոր ոլորտներում կառավարության գործունեության արդյունավետությունը կախված է առկա բյուջետային միջոցներից»,-ընդգծեց վարչապետը:
Նա նաև հավելեց, որ ամեն ինչ պետք է անեն, որ 2020 թվականի բյուջեն կատարեն հնարավոր առավելագույն ծավալներով:
