14.04.2026 | 23:28
Կրեմլը վերանայում է ինտերնետի սահմանափակումների նկատմամբ մոտեցումը՝ վախենալով Պուտինի վարկանիշի անկումից․ Bloomberg
Արցախի ընտրությունները լեգիտիմության պակաս չունեն․ Ալեն Սիմոնյան. ՏԵՍԱՆՅՈՒԹ
Քաղաքականություն
01.04.2020 | 15:31
Եթե առաջիկա 14 օրերի ընթացքում կորոնավիրուսի հետ կապված իրավիճակը Արցախում փոխվի, հնարավո՞ր է ընտրությունների 2-րդ փուլի հետաձգում կամ չեղարկում։ Ըստ ՀՀ ԱԺ «Իմ քայլը» պատգամավոր Ալեն Սիմոնյանի՝ դա պետք է որոշեն Արցախի իշխանությունները։
«Արցախում ընտրությունները կենսական նշանակություն ունեն, որովհետև Արցախի պետականության՝ հիմնավոր և շարունական լինելը ամենակարևոր բաներից մեկն է։ Աշխարհում իրավիճակը շատ արագ փոխվում է՝ թե ՛դեպի վատը, թե՛ դեպի լավը, և մենք հաճախ ականատես ենք լինում տարբեր գերտերությունների իրարամերժ հայտարարություններին մի քանի օրերի տարբերությամբ: Այսօր ՀՀ որոշ մարզերում չկա կորոնավիրուսի գրանցված որևիցե դեպք, Արցախում չկա: Կարծում եմ՝ Արցախի իշխանությունները կգտնեն այն տարբերակը, մեխանիզմը, որը նման վտանգները կկանխի, և կկազմակերպեն ընտրություններ: Եթե ոչ, դա Արցախի ժողովրդի, իշխանության որոշումը կլինի, որը մենք կընդունենք և կենթարկվենք»,- նշեց պատգամավորը։
Մանրամասները՝ տեսանյութում։
