Արայիկ Հարությունյանի կուսակցությունը հաղթում է, Սամվել Բաբայանինը՝ 2-ն է, Վիտալի Բալասանյանինը՝ 3-րդը

Արցախի Կենտրոնական ընտրական հանձնաժողովը հրապարակել է Արցախի խորհրդարանական ընտրությունների նախնական արդյունքները՝ ըստ 9 շրջանների։

Այսպիսով, առաջատարը Արայիկ Հարությունյանի գլխավորած «Ազատ Հայրենիք-ՔՄԴ» կուսակցությունների դաշինքն է՝ 29688 ձայնով։ Երկրորդ տեղում Սամվել Բաբայանի գլխավորած «Միասնական հայրենիք» կուսակցությունն է՝ 17365 ձայն, երրորդ տեղում է Վիտալի Բալասանյանի գլխավորած Արցախի «Արդարություն» կուսակցությունը՝ 5865 ձայն, չորրորդ տեղում է ՀՅԴ-ն՝ 4717 ձայնով, 5-րդը Աշոտ Ղուլյանի գլխավորած «Արցախի Ժողովրդավարական» կուսակցությունն է՝ 4269 ձայնով և 6-րդը Մասիս Մայիլյանի գլխավորած «ՆՈՐ ԱՐՑԱԽ» կուսակցությունների դաշինքն է՝ 3305 ձայնով։

Քվեարկությանը մասնակցած 9 շրջաններից ստացված արդյունքները՝ ըստ կուսակցությունների․

1. «Ազգային վերածնունդ» կուսակցություն – 2360
2. «Միասնական հայրենիք» կուսակցություն – 17365

3.«Անկախության Սերունդ» կուսակցություն – 656

4. «Հայ Հեղափոխական Դաշնակցություն» կուսակցություն – 4717
5. Արցախի հեղափոխական կուսակցություն – 1660
6. «Ազատ Հայրենիք-ՔՄԴ» կուսակցությունների դաշինք – 29688
7. Արցախի «Արդարություն» կուսակցություն – 5865
8. Արցախի Ժողովրդավարական Կուսակցություն – 4269
9. «Միացյալ Հայաստան» կուսակցություն- 958
10. Արցախի Պահպանողական կուսակցություն – 2108
11. Լեռնային Ղարաբաղի Կոմունիստական կուսակցություն – 480

12.«ՆՈՐ ԱՐՑԱԽ» կուսակցությունների դաշինք – 3305

Այսպիսով ԱԺ-ում տեղ կունենան 5 քաղաքական ուժեր՝ «Ազատ Հայրենիք-ՔՄԴ» կուսակցությունների դաշինք, «Միասնական հայրենիք» կուսակցություն, Արցախի «Արդարություն» կուսակցություն, «Հայ Հեղափոխական Դաշնակցություն» կուսակցություն, Արցախի Ժողովրդավարական Կուսակցությունը։

Խորհրդարան չի անցնում Մասիս Մայիլյանի գլխավորած «ՆՈՐ ԱՐՑԱԽ» կուսակցությունների դաշինքը։