18.12.2025 | 20:43
Հրդեհ Հայկաձոր գյուղում. այրվել է մոտ 1800 հակ անասնակեր
Չարենցավանի մուտքերը չեն փակվի․ պարետատունը տեխնիկական սխալ էր գործել
Քաղաքականություն
31.03.2020 | 14:36
Կոտայքի մարզպետ Ռոմանոս Պետրոսյանը ֆեյսբուքյան նոր գրառում է կատարել Չարենցավան քաղաքը կորոնավոիրուսի պատճառով փակելու վերաբերյալ.
«Հարգելինե՛րս,
Հայտնում եմ, որ ՀՀ պարետատունն ունի իրավիճակի զարգացման ամենատարբեր սցենարների համար նախատեսված գործողությունների պլան, և մասնավորապես Չարենցավանի մասով՝ ունենք մշակված և նախանշված հստակ համալիր գործողությունների ծրագիր, որը կգործարկվի՝ ըստ անհրաժեշտության:
Խնդրում եմ ընդունել ի գիտություն՝ քիչ առաջ հրապարակված պարետատան որոշումը տենիկական սխալի սպրդման արդյունք էր, որի առիթով հայցում ենք ձեր ներողամտությունը:
Իրավիճակի զարգացման հետ կապված՝ հնարավոր նոր սահմանափակումների կիրարկման պարագայում, կտրվի լրացուցիչ պաշտոնական տեղեկատվություն:
Խնդրում եմ հետևել պարետատան ցուցումներին և տեղեկատվություն ստանալ բացառապես պաշտոնական տեղեկատվության աղբյուրներից»,-գրել է նա։
Նշենք, որ ամեն դեպքում Չարենցավանի ելքերն ու մուտքերը փակվելու հավանական տարբերակը քննարկվել է պարետատանը: Այս մասին մեզ հետ զրույցում ասաց վարչապետի խոսնակ Մանե Գեւորգյանը:
«Տեխնինիկական խնդիր է եղել, սխալմամաբ ենք հրապարակել: Մի քանի հավանական տարբերակներ ունենք: Դրանցից մեկի մեջ մտնում է այն, որ կարող է նման սահմանափակումների անհրաժեշտություն առաջանար եւ Չարենցավնաի ելքն ու մուտքը փակվեն»,- ասաց նա:
