17.09.2026 | 22:43
Ռիչարդ Կիրակոսյանը Ստամբուլում հոսպիտալացվել է
ԵՄ-ն չի ճանաչում Արցախի ընտրությունների անցկացման սահմանադրական և իրավական շրջանակը․ ԵՄ խոսնակ
Քաղաքականություն
31.03.2020 | 13:02
ԵՄ մամուլի խոսնակը հանդես է եկել հայտարարությամբ՝ կապված այսօր Արցախի Հանրապետությունում ընթացող նախագահական եւ խորհրդարանական ընտրությունների հետ։ Հայտարարությունում ասված է․
«Լեռնային Ղարաբաղում 2020 թվականի մարտի 31-ի այսպես կոչված «նախագահական և խորհրդարանական ընտրությունների» վերաբերյալ Եվրոպական միությունը վերահաստատում է, որ չի ճանաչում սահմանադրական և իրավական շրջանակը, որի սահմաններում դրանք անցկացվում են։ Այս իրադարձությունը չի կարող կանխակալել Լեռնային Ղարաբաղի ապագա կարգավիճակի վճռորոշումը կամ ընթացող բանակցային գործընթացի արդյունքը։
ԵՄ-ն վերահաստատում է իր կուռ աջակցությունը ԵԱՀԿ Մինսկի խմբի, հատկապես՝ համանախագահների ջանքերին՝ ուղղված ստատուս քվոյի սահմաններից անդին առաջընթացի և դեպի բովանդակային բանակցությունների միջոցով համապարփակ և կայուն խաղաղության հաստատման ապահովմանը։
ԵՄ-ն պարտաստ է է՛լ ավելի աջակցել Լեռնային Ղարաբաղի հակամարտության արագ, խաղաղ կարգավորմանը միտված ջանքերին»։
ԵՄ մամուլի խոսնակի հայտարարությունը հրապարակված է կառույցի պաշտոնական կայքէջում։
