04.07.2026 | 07:40
ԱԱ-2026. Հայտնի են 1/8 եզրափակիչի բոլոր զույգերը
«Ընտրատեղամասերի դիմաց հերթեր են գոյացել»․ «Իմ քայլի» պատգամավորները՝ Արցախից. ՏԵՍԱՆՅՈՒԹ
Քաղաքականություն
31.03.2020 | 10:52
Արցախի նախագահական և խորհրդարանական ընտրությունների ընթացքը դիտարկում են նաև ՀՀ ԱԺ «Իմ քայլը» խմբակցության պատգամավորները։
«Արցախից» ուղիղ եթերով պատգամավորներ Արմեն Փամբուխչյանն ու Հրաչյա Հակոբյանը տեղեկացրին, որ վաղ առավոտից 5 ընտրատեղամաս են այցելել:
«Ուզում եմ խոսել նրանից, ինչ մեր քաղաքացիներին անհանգստացնում էր։ Բոլոր տեղամասերում դռան մոտ ձեռնոցներ են դրված, պաշտպանիչ դիմակներ, ախտահանիչ նյութեր, ինչպես նաև՝ անհատական գրիչներ, որն ընտրողն իր հետ է տանում։ Ոստիկանները թույլ չեն տալիս, որ 3 հոգուց ավել մարդ մուտք գործի տեղամաս։ Փաստացի ընտրատեղամասերի դիմաց հերթեր են գոյացել, որովհետև մեծ ակտիվություն կա։ Կան ընտրատեղամասեր, որտեղ ընտրողների 15%-ը արդեն քվեարկել են»,- ներկայացրել է Արմեն Փամբուխչյանը։
Իսկ Հրաչյա Հակոբյանը տեսել է, որ մինչ ընտրատեղամաս մտնելը ընտրողներն արդեն իսկ հանդերձավորված են եղել ձեռնոցներով ու դիմակներով․ «Անվտագության բոլոր նորմերը պահում են։ Ստեփանակերտում պայծառ, արևոտ օր է, և բարձր տրամադրություն կա այստեղ»։
Պատգամավորները ավելացրին՝ 5 տեղամասերում, որտեղ իրենք են եղել, արտառոց դեպքեր կամ խախտումներ չեն նկատել։
Մանրամասները՝ տեսանյութում:
