01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
Տավուշում հակառակորդի կրակոցից վիրավորված երեխան «Սուրբ Աստվածամայր» ԲԿ վերակենդանացման բաժանմունքում է
31.03.2020 | 10:17
Երեկ՝ մարտի 30-ին, 19:00-ի սահմաններում Տավուշի մարզի Ոսկեվան գյուղում հակառակորդի գնդակից վիրավորված 10-րդ դասարանի աշակերտին Երևան են տեղափոխել։
Նա գտնվում է «Սուրբ Աստվածամայր» բժշկական կենտրոնի վերակենդանացման բաժանմունքում։ Այս մասին տեղեկանում ենք «Սուրբ Աստվածամայր» ԲԿ մամուլի խոսնակ Գևորգ Դերձյանից։
Ֆեյսբուքյան իր էջում Դերձանը գրել է․ «Վիճակը բժիշկները գնահատում են կայուն ծանր։ Երեխային տեղափոխել են վերակենդանացման բաժանմունք: Վերջինս ստացել է հրազենային վնասվածք՝ կրծքավանդակի շրջանում, իրականացվել է անհրաժեշտ առաջին բուժօգնությունը։ Նոյեմբերյանի բուժկենտրոնում կատարվել է վիրահատություն: Կտրվի հավելյալ տեղեկություն»:
Հիշեցնենք՝ երեկ Factor.am—ի հետ զրույցում Ոսկեվանի գյուղապետ Վոլոդյա Ղազինյանը նշել էր, որ դեպքը տեղի է ունեցել գյուղի վերջնամասում՝ դեպի Կոթի տանող ճանապարհին: Նա հայտնել էր, որ տղան 10-րդ դասարանի աշակերտ է. «Փամփուշտը կպել է պատին բեկոր է առաջացել, որն էլ կպել է երեխուն»:
