08.06.2026 | 03:19
Հետընտրական զարգացումները բացառում եմ, ոչ մի պրոցես չի լինի. Փաշինյան․ ՏԵՍԱՆՅՈՒԹ
Աննպատակ գործ եք անում․ ռեսուրսները ծախսեք Հայաստանի բոլոր մուտքերին թեստեր դնելու համար․ Զոհրաբյան. ՏԵՍԱՆՅՈՒԹ
Քաղաքականություն
30.03.2020 | 13:27
Կառավարության առաջարկած նախագիծը՝ քաղաքացիների հեռախոսազանգերի և տեղաշարժի վերաբերյալ տեղեկություններ ստանալու վերաբերյալ, անիմաստ է և ոչ արդյունավետ։ ԱԺ արտահերթ նիստում Արտակարգ դրության իրավական ռեժիմի մասին ՀՀ օրենքում լրացումներ կատարելու մասին նախագծի քննարկման ժամանակ այս մասին հայտարարեց «Բարգավաճ Հայաստան» խմբակցության պատգամավոր Նաիրա Զոհրաբյանը։
«Սա ուղղակի ոչ միայն հետընթաց է ժողովրդավարությունից, դուք աննպատակ գործ եք անելու։ Այն ռեսուրսները, որ օգտագործելու եք մեզ տեղորոշելու համար, ծախսեք Հայաստանի սահմանին թեստեր անցկացնելու համար, չաշխատող, օրավարձով աշխատող մարդկանց բեռը թեթևացնելու համար։ Այսօր իմ հեռախոսին հաղորդագրություն է եկել. «Եվս մի քանի օր, և ես խանութից գողություն եմ անելու»: Նայում ես՝ տղամարդ է, զարհուրելի է»,- նշեց պատգամավորը:
Նա հավելեց, որ հանդիպումների պայմանավորվածությունը միշտ չէ, որ զանգով է իրականացվում. «Հանդիպումների մեծ մասը տեղի են ունենում էքսպրոմտ կամ այլ միջոցներով պայմանավորվածություններով, ինչպիսին են, Whatsapp, Viber և այլն: Ի՞նչ, ամբողջը կանտրոլի տա՞կ եք վերցնելու»։
Մանրամասները՝ տեսանյութում:
